ປີນີ້ 2024 “ໂຄງການສາມັກຄີເພື່ອແບ່ງປັນ“ ຂອງ 3 ອົງການຈັດຕັ້ງມະຫາຊົນຂອງກົມຮູບເງົາ ຈະໄດ້ເດີນທາງໄປມອບ ອຸປະກອນການສຶກສາ, ກິລາ ແລະເຄື່ອງນຸ່ງຫົ່ມ ໃຫ້ນ້ອງນ້ອຍນັກຮຽນປະຖົມ ບ້ານ ຜາຫຼວງ, ເມືອງເຟືອງ, ແຂວງວຽງຈັນ ໃນລະຫວ່າງວັນທີ 6-7/3/2024. ກິດຈະກຳດັ່ງກ່າວ ປະກອບມີ: 1. ມອບອຸປະກອນການສຶກສາ, ກິລາ ແລະເຄື່ອງນຸ່ງຫົ່ມ; 2. ແລກປ່ຽນກິລາກັບຄູອາຈານ, ອຳນາດການປົກຄອງບ້ານ ແລະພະນັກງານສຶກສາເມືອງເຟືອງ; 3. ຕອນຄ່ຳມີສາຍຮູບເງົາ ແລະກິດຈະກຳຕັ້ງແຄ້ມສຳພັດອາກາດບໍລິສຸດຢູ່ຊານເມືອງ.

ທ່ານໃດສົນໃຈຢາກປະກອບສ່ວນຊ່ວຍເຫຼືອນ້ອງນ້ອຍນັກຮຽນທີ່ຍັງຂາດເຂີນ ເພື່ອເປັນບຸນກຸສົນ ຫຼື ຢາກຮ່ວມເດີນທາງໄປນຳພວກເຮົາ ກໍຍິນດີ ແລະສາມາດແຈ້ງເຈດຈຳນົງມາຍັງຄະນະຮັບຜິດຊອບພວກເຮົາໄດ້ 021 212426.